慈山寺一日遊

  

慈山寺一日遊

先講下慈山寺是由李嘉誠先生發心興建，位於大埔。

我哋去前都要提早一個月，經慈山寺官網登記預約上山日期時間，最後預約左4月30日13:30參觀。

當日11:30am🕦荃灣區坐西鐵到紅磡🚈，再轉東鐵到大埔墟站。出閘後，再搵綠色小巴20C，好彩當日呢架小巴可以直達慈山寺門口不用再行路上山，搭小巴🚐時間約20分鐘，全程收費$7.7 。

到達後，要係門口即右邊👉排隊，展示預約資料📄，可以用手機show都接受。

職員會提供預約左人數，每人一個登寺證，呢個證除咗入門口，仲係參觀展會入場證 走時仲要俾返職員👨‍💼。

入到去，好快見到觀音像半身！

上梯入寺，為尊重場合不便影相太多，但入面係有很多觀音菩薩/18羅漢/莊嚴金佛像，入面環境很清幽恬靜，舒適，會感受到寧靜心靈洗滌感覺。

參拜完觀音菩薩/金佛，再去參觀以下觀音大像。

首先供奉水，職員會指示你先清潔雙手，再取木碗盛水，慢慢行到大觀音像前的水缸將水倒入，禮拜，圍繞觀音像行一圈。

之後，再去參觀展覽中心，入去參觀前要先寄放行李，不能帶袋入去參觀，但可以帶電話。

入去職員會提供一條短片講述佛像起源，聽完再入館參觀不同時期佛像，展會部分是可拍照，但有些不能拍🚫，工作人員會先通知。

完了後，再周圍行行逛，影相打卡，仲有唔好忘記參觀桃花林，可惜嘅係我哋去時冇晒桃花，只有果實，唯有CAP人哋提供嘅圖俾大家睇吓啦啦😂，所以有興趣參觀桃花🌸嘅人記得留意桃花🌸開放季節時間。

慈山寺開放時間：早上九時半至下午五時 (請留意官網更新）

#一日遊 #生活 #好去處 #慈山寺 #心靈 #洗滌 #放假放鬆 #一家遊